2025 жылы 18 шілдеде Алматыдағы №1 балалар үйінен екі оқушы қашып кеткен. Кристина Белгородская мен Маргарита Черепанова таңертең мекемеден шығып, күні бүгінге дейін оралмаған, деп хабарлайды Zakon.kz.
Бұл оқиға туралы ақпаратты алматылық еріктілер "Lider.kz" жариялады.
Посмотреть эту публикацию в Instagram
Публикация от Волонтёры Алматы "LIDER.KZ" (@volontery_almaty_lider.kz)
Посмотреть эту публикацию в Instagram
Публикация от Волонтёры Алматы "LIDER.KZ" (@volontery_almaty_lider.kz)
Бүгін, 2025 жылғы 4 тамызда Полиция департаментінің (ПД) баспасөз қызметі екі қыздың жоғалып кетуіне қатысты түсініктеме берді.
"Бостандық аудандық полиция бөлімі балалар мекемелерінің бірінен екі тәрбиеленушінің рұқсатсыз кетуіне қатысты іздестіру ісін қозғады. Бұған дейін кәмелетке толмағандар мекемеден бірнеше рет шығып кеткен және әр жолы оларды полиция қызметкерлері анықтап, қайтарып отырған". Алматы қалалық ПД баспасөз қызметі
Сондай-ақ балалардың қауіпсіздігін қамтамасыз ету басты назарда екені айтылды.
"Қазіргі уақытта олардың тұрған жерін анықтауға бағытталған бірқатар жедел-іздестіру шаралары жүргізілуде", – деп қосты департаментте.
Қорытынды бөлімде осыған ұқсас жағдайлар бойынша мекеме басшылығымен алдын алу және түсіндіру жұмыстары жүргізілгені, соның ішінде оқушыларға бақылауды күшейту қажеттігі туралы айтылған.
2025 жылдың 1 тамызында Алматы әкімдігі Бағанашыл балалар үйінің қызметкерлерінің жұмыстан босатылғаны туралы ақпаратқа түсініктеме берді.