Сыбайлас жемқорлыққа қарсы қызмет агенттік жұмысына қатысты Қазақстан Республикасы Президентінің жарлығын дайындады, деп хабарлайды Zakon.kz.
Атап айтқанда, Агенттік құрылымында сот сараптамасы департаментін құру жоспарлануда.
"Сыбайлас жемқорлыққа қарсы қызметтің үшінші тұлғалардың және ұйымдардың қылмыстық әрекеттермен келтірілген залалды немесе елеулі залалды растайтын қорытындыларынан (тексеру актілерінен) тәуелсіздігін қамтамасыз ету мақсатында жеке мамандарды тартуға бюджеттік шығындарды азайту, жедел тексерулер мен сотқа дейінгі тергеп-тексерулерді жүргізу мерзімдерін қысқарту. Сондай-ақ, құпия ақпаратты жария ету тәуекелдерін болдырмау үшін Агенттік құрылымында сот-сараптама бөлімін қарастыру ұсынылады", – делінген негіздемеде.
Бұл ретте Агенттіктің сыбайлас жемқорлыққа қарсы қызметтің әкімшілік ғимараттарына кіруді және ішкі бақылауды қамтамасыз ету тәртібін әзірлеу және бекіту функциясын қарастыру ұсынылады.
Сонымен қатар, барлық мемлекеттік органдар өздерінің нормативтік құқықтық актілерінде жұмылдыру дайындығы саласындағы функцияларды көздейтіні көрсетілген.
Құжат 5 маусымға дейін қоғамдық талқылау үшін Open NPA веб-сайтында орналастырылған.
Бұған дейін Сыбайлас жемқорлыққа қарсы қызметке жаңа функциялар берілгенін хабарлаған едік.