30 маусым мен 6 шілде аралығында әлем кубогіне қатысатын Швеция елінің боксшылары Астанаға келді, деп хабарлайды El.kz интернет порталы.
Швеция, АҚШ, Канада, Әзербайжан, Франция, Финляндия, Германия және Словакия тағы басқа мемлекеттің боксшылары 29 маусымға дейін біріккен оқу-жаттығу жиынына қатысады.
Бұл байрақты бәсеке алдындағы соңғы оқу-жаттығу жиыны болмақ. Дүбірлі додаға 31 мемлекеттен 300-ге жуық спортшы қатысады деп жоспарланып отыр.
Әлем кубогі Астанадағы Жақсылық Үшкемпіров атындағы жекпе-жек сарайында өтеді.
