2025 жылғы 18 шілдеде Алматы халықаралық әуежайының баспасөз қызметі жолаушылар мен әуежай қонақтарына арналған маңызды хабарлама жариялады, деп жазады Zakon.kz.
Таратылған ақпаратқа сәйкес:
“21 шілдеден бастап “Ақсұңқар” қонақ үйі алдындағы кіреберіс аумақты кеңейту бойынша жөндеу жұмыстарының басталуына байланысты Ахметов көшесі жағынан әуежай аумағына кіріп-шығу уақытша жабылады”, — делінген хабарламада.
Әуежайдың баспасөз қызметінің мәліметінше, бұл жоба аясында:
- қосымша кіреберіс жолағы салынады,
- жол төсемі жаңартылады.
“Бұл өзгерістер әуежайға ұшып кететін рейстердің жолаушыларын түсіру кезіндегі өткізу қабілетін арттыруға мүмкіндік береді”, — деп мәлімдеді Алматы халықаралық әуежайының баспасөз қызметі.
