Мұнайлы ауданы Батыр ауылының маңында Mercedes-Benz Actros жүк көлігінің тіркемесі өртенді. Өрт сөндірушілер жалынды 24 минутта сөндірді, зардап шеккендер жоқ, деп хабарлайды Lada.kz.
Жүк көлігі 28 қыркүйекте түскі уақытта Маңғыстау облысы Мұнайлы ауданында болды. Куәгерлер Батыр ауылының маңында өртенген жүк көлігін видеоға түсіріп алған.
"Маңғыстау облысы төтенше жағдайлар департаментінің мәліметінше, оқиға туралы хабарлама 28 қыркүйекте сағат 14:24-те түскен. Mercedes-Benz Actros жүк көлігінің тіркемесін жалын шарпыды.
Өрт сөндірушілер оқиға орнына жетіп, өртті сағат 14:48-де толық сөндірді. Қаза болғандар мен зардап шеккендер жоқ. Оқиға орнында ТЖД-ның жеті қызметкері мен екі техника жұмыс істеді. Өрттің шығу себебі анықталуда", – делінген жарияланымда.
Мәтіннен қате тапсаңыз, бізге жазыңыз
Дереккөз: Nur.kz · Айтолқын Адырбай
